بەغدا – INA
ئەمڕۆ دووشەممە، ئەنجومەنی باڵای دادوەری، گێڕانەوەی 375 کیلۆگرام زێڕی لە دۆسیەی بریکاری وەزارەتی نەوت بۆ کاروباری پاڵاوتن، عەدنان جومەیلی، ڕاگەیاند.
دادوەرانی لێکۆڵینەوەی دادگای تاوانەکانی بەرەنگاربوونەوەی گەندەڵیی ناوەندی، زیا جەعفەر، لە ڕاگەیەندراوێکدا کە دەستی ئاژانسی هەواڵی عێراقی (INA) کەوتووە، ڕایگەیاند: "بە هەماهەنگی لەگەڵ هەرێمی کوردستان و لەژێر سەرپەرشتیی سەرۆکی ئەنجومەنی باڵای دادوەری، دادوەر فایەق زێدان، 358 کیلۆگرام زێڕ گێڕدراوەتەوە".
ئەو دادوەرە پسپۆڕە ئاماژەی بەوەشکرد کە "17 کیلۆگرام زێڕی تریش لە دۆسیەیەکی لێکۆڵینەوەی تردا دەستی بەسەردا گیراوە، بەمەش کۆی گشتی ئەو زێڕەی لەمڕۆ دووشەممە ڕێکەوتی 13 / 7 / 2026 پارێزگاریی لێکراوە، دەگاتە 375 کیلۆگرام زێڕ".
لە ەکەدا ڕایگەیاند کە "ئەو بڕە زێڕە گێڕدراوانە ڕادەستی بەڕێوبەری گشتیی فەرمانگەی دەرکردن و گەنجینە لە بانکی ناوەندی و یاریدەدەرەکەی کراون، ئەمەش لە چوارچێوەی ئەو هەوڵانەی کە ئامانجیان تەواوکردنی لێکۆڵینەوەکانە لە دۆسیەی بریکاری وەزارەتی نەوت بۆ کاروباری پاڵاوتن، تۆمەتباری دەستبەسەرکراو عەدنان جومەیلی، لەپێناو گێڕانەوەی ئەو داراییە گواستراوە و نەگواستراوانەی لەم تاوانەوە بەدەستهاتوون و سزادانی ئەنجامدەرانی بەپێی یاسا".
