بەغداد - INA
فەرمانگەی تۆماری خانوبەرە ئەمڕۆ سێشەممە، دەستپێکردنی ئامادەکارییە پێویستەکانی بۆ ڕێکخستنی بنکەی زانیاری تایبەت بەو هاووڵاتیانەی کە خاوەنی موڵکن لە سەرجەم بەڕێوەبەرایەتییەکانی تۆماری خانوبەرەدا ڕاگەیاند، ئەمەش وەک پاڵپشتییەک بۆ پێداویستییەکانی جێبەجێکردنی دەستپێشخەریی دابەشکردنی یەک ملیۆن پارچە زەوی نیشتەجێبوون.
ئیتسامی ڕەحیم ساعدی، بەڕێوەبەری گشتیی فەرمانگەی تۆماری خانوبەرە لە وەزارەتی داد، لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه: "ئەم ڕێنماییە لە کاتی کۆبوونەوەیەکدا لەگەڵ بەڕێوەبەرانی بەڕێوەبەرایەتییەکانی تۆماری خانوبەرە هاتووە، ئەمەش بۆ جێبەجێکردنی ڕێنماییەکانی خالد شوانی، وەزیری داد، و لە چوارچێوەی پاڵپشتیکردنی دەستپێشخەرییەکەی عەلی زەیدی، سەرۆکی ئەنجومەنی وەزیران بۆ دابەشکردنی یەک ملیۆن پارچە زەوی نیشتەجێبوون، بە ئامانجی ڕێکخستنی داتاکانی خانوبەرە و ئاسانکردنی ڕێوشوێنەکانی دابەشکردن".
ههروهها ئهوهیش هاتووه كه "ڕێنمایی دراوەتە بەڕێوەبەرە پەیوەندیدارەکان و لیژنە تایبەتمەندەکان بۆ گرتنەبەری ڕێوشوێنە ئامادەکارییە پێویستەکان بە مەبەستی ڕێکخستنی بنکەدراوەکە، لەگەڵ تەواوکردنی سەرجەم پێداویستییەکانی کارکردن و بەهێزکردنی هەماهەنگی لەگەڵ دامەزراوە پەیوەندیدارەکاندا، بە شێوازێک کە دەستپێکردنی جێبەجێکردن و تەواوکردنی پڕۆژەکە بەو خێرایی و وردبینییە داواکراوە مسۆگەر بکات".
