بەدواداچوون - INA
وەزارەتی تەندروستیی سووریا، ئەمڕۆ پێنجشەممە، بەرزبوونەوەی ژمارەی قوربانیانی ئەو تەقینەوەیەی کە دیمەشقی پایتەختی هەژاند، بۆ ٦ کوژراو و ٢٢ بریندار ڕاگەیاند.
وەزارەتەکە لە ڕاگەیەندراوێکدا ئاماژەی بەوە کردووە کە "ئاماری ئەو تەقینەوەیەی لە کافتریای (ئەلموشێرییە) لە شەقامی نەسڕ لە دیمەشق ڕوویداوە، بۆ ٦ کوژراو و ٢٢ بریندار بەرزبووەتەوە."
هەروەها وتیشی، تیمەکانی فریاکەوتن بریندارەکانیان بۆ چەند نەخۆشخانەیەکی جیاواز لە دیمەشق گواستووەتەوە بە مەبەستی وەرگرتنی چارەسەری پزیشکی.
