بەغداد- INA
بەڕێوەبەرایەتی بەرگری شارستانی، ئەمڕۆ سێشەممە، کۆنترۆڵکردنی ئاگرکەوتنەوەیەکی لە ناوچەی نەهزە لە ناوەڕاستی بەغداد ڕاگەیاند، بەبێ ئەوەی چەندین زیانی گیانی لێبکەوێتەوە.
لە ڕاگەیەندراوێکی بەڕێوەبەرایەتییەکەدا كه بۆ ئاژانسی هەواڵی عێراقی(INA) نێردراوه تێیدا هاتووه: "تیمەکانی بەرگری شارستانی توانیویانە کۆنترۆڵی ئاگرکەوتنەوەیەک بکەن کە لە بڕێک لە کەلوپەلی کۆنی ناوماڵ لە ژێر پردی "محەمەد قاسم" لە ناوچەی نەهزە لە ناوەڕاستی پایتەخت بەغداد کەوتبووەوە، ئەمەش بەبێ تۆمارکردنی هیچ برینداربوونێک یان زیانی گیانی."
ههروهها ئهوهیش هاتووه كه: "دەستبەجێ دوای پێگەیشتنی زانیارییەکان، بەڕێوەبەرایەتی بەرگری شارستانی تیمە پسپۆڕەکانی و ئامێرە پاڵپشتەکانی خستە ئامادەباشییەوە، و تیمەکان دەستبەجێ دەستیان کرد بە گەمارۆدانی ئاگرەکە و جیاکردنەوەی لە ناوچەکانی دەوروبەری بۆ ڕێگریکردن لە تەشەنەسەندنی، و سەرکەوتووبوون لە کژاندنەوەی تەواوەتی ئاگرەکە و کۆتاییهێنان بە پرۆسەی ساردکردنەوەی شوێنەکە."
ئاماژەی بەوەش کردووە: "لایەنە پەیوەندیدارەکان دەستیان بە لێکۆڵینەوە لە ڕووداوەکە کردووە، لەگەڵ بانگهێشتکردنی پسپۆڕی بەڵگەکانی تاوان بۆ کۆکردنەوەی بەڵگەکان و دەستنیشانکردنی هۆکارەکانی پشت کەوتنەوەی ئاگرەکە، ئەمەش بەپێی ئەو ڕێکارە یاساییانەی کە پێڕەو دەکرێن."
