بەغدا – INA
ئەمڕۆ دووشەممە، سەرۆکی ئەنجومەنی نوێنەران، هەیبەت حەلبووسی، و سەرۆکی جوڵانەوەی نەوەی نوێ، شاسوار عەبدولواحید، پاڵپشتیی خۆیان بۆ ڕێکارەکانی حکومەت لە چوارچێوەی چاکسازی و دژایەتیکردنی گەندەڵیدا دووپات کردەوە.
نووسینگەی ڕاگەیاندنی سەرۆکی ئەنجومەنی نوێنەران لە ڕاگەیەندراوێکدا، کە دەستی ئاژانسی هەواڵی عێراقی (INA) کەوتووە، ڕایگەیاند: "سەرۆکی ئەنجومەنی نوێنەران هەیبەت حەلبووسی، ئەمڕۆ دووشەممە، پێشوازیی لە سەرۆکی جوڵانەوەی نەوەی نوێ، شاسوار عەبدولواحید کرد".
ئەوەشی خستەڕوو: "لە کۆبوونەوەکەدا باس لە بارودۆخی سیاسیی وڵات کۆکراوە"، ئاماژەی بەوەش کرد کە "جەخت کراوەتەوە لەسەر گرنگیی خێراکردن لە تەواوکردنی کابینەی وزاری، سەرەڕای ئەوەش پاڵپشتیکردنی ڕێکارەکانی ئەم دواییەی حکومەت لە چوارچێوەی چاکسازی، دژایەتیکردنی گەندەڵی و پاراستنی ماڵی گشتی؛ لەبەر ئەوەی ئەم ڕێکارانە هەنگاوێکی گرنگن بەرەو بەهێزکردنی متمانەی هاوڵاتیان بە دامەزراوەکانی دەوڵەت و چەسپاندنی پرەنسیپی لێپرسینەوە و سەروەریی یاسا لە سەرانسەری عێراقدا".
