بەغداد – INA
سەرۆک وەزیران عەلی فالح زەیدی، ئەمڕۆ چوارشەممە جەختیکردەوە: پەیوەندیی نێوان عێراق و ویلایەتە یەکگرتووەکان لە سەربازییەوە دەگۆڕێت بۆ هاوبەشییەکی ئابووری.
زەیدی لە لێدوانێکدا کە ئاژانسی هەواڵی عێراقی، بەدواداچوونی بۆ کردووە، ڕایگەیاند: "شەڕی دژی گەندەڵی لەسەرووی کارە لەپێشینەکانمەوەیە".
ئاشكراشیكرد: "پەیوەندی لەگەڵ ویلایەتە یەکگرتووەکان لە سەربازییەوە دەگۆڕێت بۆ هاوبەشییەکی ئابووری"، لە هەمان کاتدا ئاماژەی بەوەدا کە "زۆربەی گرووپە چەکدارەکان لە ئێستاوە دەستیان کردووە بە ڕادەستکردنی چەکەکانیان بە دەوڵەت".
وتیشی: "داوا لە 'ئۆپیک' دەکەین بەرهەمهێنانی نەوتی ئێمە زیاد بکات بەشێوەیەک کە بگونجێت لەگەڵ تواناکانی نەوتی عێراق و ژمارەی دانیشتووانەکەیدا".
ڕوونیشیکردەوە: "دوای کشانەوەی تەواوی هێزەکانی ئەمریکا، هیچ پاساو یان پێویستییەک بۆ هیچ مقاوەمەیەک لە عێراقدا نامێنێت".
