بەدواداچوون – INA
فەرماندەیی ناوەندیی ئەمریکا (سێنتکۆم)، ئەمڕۆ سێشەممە، جەختی کردەوە کە دوو فڕۆکەهەڵگری ئەمریکی بەردەوامن لە ئەنجامدانی ئۆپەراسیۆنەکانیان لە ناوچەی ڕۆژهەڵاتی ناوەڕاستدا.
فەرماندەییەکە لە بەیاننامەیەکدا کە ئاژانسی هەواڵی عێراقی (INA) بەدواداچوونی بۆ کردووە، ڕایگەیاند: "دوو فڕۆکەهەڵگری ئەمریکی بەردەوامن لە ئۆپەراسیۆنەکانیان لە ڕۆژهەڵاتی ناوەڕاست"، زیاتریش وتی: "هێزەکانمان بە ئامادەیی و هۆشیارییەوە دەمێننەوە."
ئاماژەی بەوەش دا کە "فڕۆکەهەڵگری (جۆرج بوش) لە دەریای عەرەبدا دەست بە گەشتەکانی کردووە."
