بەغدا - INA
ئەمڕۆ شەممە وەزارەتی ئاوەدانكردنەوە و نیشتەجێكردن و شارەوانی گشتی ڕەتیكردەوە كە یەكێك لە بەڕێوەبەرە گشتییەكانی سەر بە ڕێكخراوە تیرۆریستییەكان بێت و پابەندبوونی خۆی بە ڕێكارە كارگێڕی و یاساییەكانەوە دووپاتكردەوە پێش ئەوەی ستاف بۆ پۆستەكان لە چوارچێوەی هەیكەلی ڕێكخراوەییەكەیدا كاندید بكات.
لەبەیاننامەیەكدا كە بە ئاژانسی هەواڵی عێراقی (INA) گەیشتووە و وەزارەتەكە ڕایگەیاندووە : ئەو پروپاگندەیە ڕەتدەكەنەوە كە ئەندام پەرلەمانێك لە ڕێگەی میدیاكانەوە سەبارەت بە پەیوەستبوونی یەكێك لە بەڕێوەبەرە گشتییەكانی بە ڕێكخراوە تیرۆریستییەكانەوە پێشكەشی كردووە، جەختیشی لە پابەندبوونی بە ڕێكارە كارگێڕی و یاساییەكان پێش كاندیدكردنی ستاف بۆ پۆستەكانی ناو هەیكەلی ڕێكخراوەییەكەی كردووەتەوە.
بەگوێرەی بەیاننامەكە وەزارەتەكە ئیدانەی توندی خۆی بۆ ناوزڕاندنی فەرمانبەرانی دەربڕیوە، بەو پێیەی نوسراوەكەی دەستەی دەستپاكی كە لەلایەن ئەو پەرلەمانتارەوە بڵاوكراوەتەوە، كە گوایە پەیوەستبوونی یەكێك لە كارمەندە باڵاكانی بە ڕێكخراوێكی تیرۆریستییەوە بڵاوكراوەتەوە، پێشتر لەلایەن وەزارەتەكەوە بەدواداچوونی بۆ كراوە لەگەڵ سەرجەم دەزگا ئەمنییەكان، هەموو ئەو دەزگایانە پشتڕاستیان كردەوە كە ئەو بەڕێوەبەرەی قسەی لەسەر دەكرێت بە هیچ شێوەیەك پەیوەندی بە هیچ ڕێكخراوێكی تیرۆریستییەوە نییە، و هەربۆیە، پرۆوپاگندەیە و بە تەواوی بێ بنەمایە، وەزارەتەكە ڕایگەیاندووە كە مافی یاسایی خۆی دەپارێزێت وەڵامی ئەو تۆمەتانە بداتەوە كە پروپاگندەی ناوبانگ و پێگەی پیشەیی ستافەكەی دەكەن، پابەندبوونی خۆی بە بنەماكانی شەفافیەت و هاوكاری لەگەڵ دەسەڵاتە پەیوەندیدارەكان دووپاتكردەوە بۆ دڵنیابوون لە وردبینی تەكنیكی و دارایی پڕۆژەكانی.
وەزارەتەكە ئاماژەی بەوەدا : كە بەخشینی هەر پڕۆژەیەك پابەندە بە كۆمەڵێك ڕێكارەوە كە چەندین قەوارە بەشدارن، لەوانە لیژنە تەكنیكییەكانی ناو دیوانی سەرۆكایەتی ئەنجومەنی وەزیران و وەزارەتی پلاندانان و لیژنەی ناوەندی گرێبەستەكانی وەزارەت.
