بەغداد – INA
ژمارەیەک لە پارێزگاکان ڕاگەیاندنی پشووی فەرمییان بۆ ئهمڕۆ پێنجشەممە ڕاگەیاند.
ئەنجومەنی پارێزگای مسیان لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "ئهمڕۆ پێنجشەممە پشووی فەرمییە بەبۆنەی یادکردنەوەی کۆمەڵکوژیی سپایکەر، ئەم بڕیارەش ئەو خوێندکارانە ناگرێتەوە کە تاقیکردنەوەیان هەیە."
لەلایەن خۆیەوە، محەمەد سەمعان ئاغا، پارێزگاری کەرکووک ڕێنماییدا بە ڕاگەیاندنی پشووی فەرمی بۆ ئهمڕۆ پێنج شهممه، وەک وەفایەک بۆ شەهیدانی سپایکەر و قوربانیدانی هێزە ئەمنییە قارەمانەکان.
ئەنجومەنی پارێزگای کەرکووک لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "محەمەد سەمعان ئاغا، پارێزگاری کەرکووک، ڕێنماییداوە بە ڕاگەیاندنی پشووی فەرمی بۆ ئهمڕۆ لە سەرجەم فەرمانگەکانی پارێزگاکەدا، وەک یادکردنەوە و وەفایەک بۆ شەهیدانی کۆمەڵکوژیی سپایکەر، و پەیامێکی وەفاداری و پشتگیرییە بۆ هێزە ئەمنییە قارەمانەکان بە سەرجەم جۆرهكانی و پێکهاتەکانیانەوە، و ڕێزگرتنە لە شەهیدانی عێراق و قوربانیدانیان لە ڕووبەڕووبوونەوەی تیرۆری داعشدبا، و هاوکاتە لەگەڵ ساڵیادی دەرچوونی فتوای مەرجەعیەتی باڵا."
پارێزگار جەختیشی کردووەتەوە کە: "پشووەکە ئەو زانکۆ، پەیمانگا و دامەزراوە پەروەردەییانە ناگرێتەوە کە تاقیکردنەوەی کۆتاییان بۆ خوێندکارە ئازیزەکانمان هەیە، لەگەڵ پابەندکردنی ستافی خزمەتگوزاری لە سەرجەم دامەزراوەکانی دەوڵەتدا بۆ بەردەوامبوون لە کار و ئەرکە ڕۆژانەکانیاندا."
هەروەها ئەنجومەنی پارێزگای دیوانییەش، بەبۆنەی کارەساتی سپایکەرەوە، ڕاگەیاندنی پشووی فەرمی بۆ رۆژی پێنجشەممە ڕاگەیاند، جگە لەو قۆناغانەی کە تاقیکردنەوەی وزارییان (نیشتمانی) هەیە.
