بەدواداچوون – INA
ئەشرەف زەکی، نەقیبی سەندیکای پیشە هونەرییەکان، کەمێک پێش ئێستا کۆچی دوایی هونەرمەندی میسری عەبدولعەزیز مەخیونی ڕاگەیاند، و ئاماژەی بەوە کرد کە مەراسیمی بەخاکسپاردنەکەی دوای نوێژی عەسر لە ناوچەی ئەبو حوموس لە پارێزگای بەحێرە بەڕێوەدەچێت.
ئەم هونەرمەندە کە هەفتەیەک پێش ئێستا یادی ٨٣ ساڵەی لەدایکبوونی کردەوە، لە چەند ڕۆژی ڕابردوودا تووشی بارودۆخێکی تەندروستی سەخت بوو، کە بەهۆیەوە گواسترایەوە بۆ یەکێک لە نەخۆشخانەکانی ئەسکەندەرییە و لە ژێر چاودێری چڕدا هێڵرایەوە بۆ وەرگرتنی چارەسەری پزیشکی پێویست.
بنەماڵەی کۆچکردوو ڕایانگەیاند کە نوێژ و مەراسیمی بەخاکسپاردنەکە، دوای نوێژی عەسری ئەمڕۆ چوارشەممە لە مزگەوتی گەورە لە گوندی (زەکی ئەفەندی) سەر بە قەزای ئەبو حوموس لە پارێزگای بەحێرە بەڕێوەدەچێت، و هەر لەوێش پرسەکەی بۆ دادەنرێت.
عەبدولعەزیز مەخیون لە ساڵی ١٩٤٣ لە پارێزگای بەحێرە لەدایکبووە و بە یەکێک لە گەورە کەسایەتییەکانی هونەری میسری دادەنرێت، دەرچووی پەیمانگای باڵای هونەرە شانۆییەکانە و مێژوویەکی دەوڵەمەندی بۆ ماوەی زیاتر لە ٥٠ ساڵ لە نێوان شانۆ، سینەما و درامادا هەیە.
ناوی مەخیون بە گەورە دەرهێنەرانی سینەمای میسرییەوە بەستراوەتەوە و چەندین ڕۆڵی وای گێڕاوە کە لە یادوەری بینەراندا ماونەتەوە، وەک فیلمەکانی "الهروب" و "البريء" لەگەڵ دەرهێنەر عاتیف تەیب و ئەستێرە ئەحمەد زەکی.
هەروەها زۆر لێهاتوو بووە لە نواندنی کەسایەتی مۆسیقاری گەورە "محەمەد عەبدولوەهاب" لە زنجیرە درامای "ئوم کەلسووم" و فیلمی "کەوکەب ئەلشەرق".
لە درامای تەلەفزیۆنیدا، مەخیون لە چەندین بەرهەمی ناوازەی میسڕیدا بەشداری کردووە، لەوانە: "لیالی الحلمية" لە ڕۆڵی تەها سەماحی، و دراماکانی "الشهد والدموع"، "بوابة الحلواني" و "الجماعة".
لە ساڵانی دواییشدا بەردەوام بوو لە درەوشانەوە لە ڕێگەی گێڕانی ڕۆڵە ئاڵۆز و سەرنجڕاکێشەکان لە دراماکانی وەک "البرنس"، "جزيرة غمام" و "سوق الكانتو
