دیوانییە - INA - سەفات عەزاوی
فەرماندەیی پۆلیسی دیوانییە، ئەمڕۆ سێشەممە، ڕووداوێکی وەرگەڕان و گڕگرتنی ئۆتۆمبێلێکی لەسەر ڕێگای دیوانییە - ئال بدێر بەهۆی تیژڕەوییەوە ڕاگەیاند.
فەرماندەییەکە بە ئاژانسی هەواڵی عێراقی (INA)ی ڕاگەیاند: "ڕووداوێکی وەرگەڕان و گڕگرتنی ئۆتۆمبێلێک کە 6 کەسی تێدابوو لەسەر ڕێگای دیوانییە - ئال بدێر ڕوویداوە"، ڕوونیشیکردەوە کە "هۆکاری ڕووداوەکە و وەرگەڕانی ئۆتۆمبێلەکە ئەنجامی تیژڕەوی بووە."
لای خۆشیەوە، بەڕێوبەری ڕاگەیاندنی تەندروستی دیوانییە، عامیر کەنانی بە ئاژانسی هەواڵی عێراقی (INA)ی ڕوونکردهوه: "ڕووداوەکە هاتوچۆی 6 کەسی تێدابوو کە لە نێوانیاندا 3 منداڵ و شۆفێری ئۆتۆمبێلەکە و ژنێک هەبوون."
ئاماژەی بەوەشکرد کە "تاکە ڕزگاربووی ڕووداوەکە ئەو ژنەیە و لە ئێستادا لە نەخۆشخانەی فێرکاریی دیوانییە لەژێر چاودێریدایە."
