بەغداد - INA
هەیبەت حەلبوسی، سەرۆکی ئەنجومەنی نوێنەران، ئەمڕۆ پێنجشەممە سەرەخۆشیی خۆی بۆ کۆچی دوایی مەرجەع شێخ محەمەد ئیسحاق فەیاز دەربڕی.
حەلبوسی لە ڕاگەیەندراوێکدا، کە بۆ ئاژانسی هەواڵی عێراقی (INA) نیردراوە ڕایگەیاند: بە دڵێکی ڕازی بە قەزا و قەدەری خودا، هەواڵی کۆچی دوایی مەرجەعی گەورەی ئایینی جەنابی ئایەتوڵڵای مەزن شێخ محەمەد ئیسحاق فەیازمان پێگەیشت، کە چەندین دەیەی درێژی لە مەیدانەکانی زانست و فیقهـ و وانەگوتنەوەدا بەسەر برد، و بەشدار بوو لە دەوڵەمەندکردنی کتێبخانەی ئیسلامی و حەوزەی زانستی بە میراتێکی زانستی و فیکریی چەسپاو.
ئاماژەی بەوەش کرد: لەکاتێکدا هاوبەشی ئەم خەمەی ڕۆڵەکانی گەلەکەمانین، گەرمترین سەرەخۆشی و هاوخەمیی ڕاستگۆیانە ئاراستەی بنەماڵەی زانستی و ئایینی لە نەجەفی ئەشرەف و کەسوکاری مەرجەعی کۆچکردوو و خۆشەویستانی دەکەین، و پێگە زانستییەکەی و ڕۆڵە دیارەکەی لە خزمەتکردنی مەعریفەی ئیسلامی و بڵاوکردنەوەی بەهاکانی میانڕەوی و دانایی بە یاد دەهێنینەوە.
لە کۆتاییدا وتی: داوا لە خوای گەورە و بەدەسەڵات دەکەین کۆچکردوو بە ڕەحمەت و ڕەزامەندیی فراوانی خۆی شاد بکات، و سەبووری و ئارامیش بە هەموان ببەخشێت
