بەغداد - INA
وەزیری داد خالد شوانی، ئەمڕۆ سێشەممە، ڕێنمایی دا بۆ ئامادەکردنی پلانێکی ستراتیژی گشتگیر کە بخرێتە ناو بەرنامەی حکومەتەوە، بە شێوەیەک کە وەبەرهێنانی پارەی نەوجەوانان (کەسانی خوار تەمەنی یاسایی) لە پرۆژەگەلێکی خاوەن قازانجی مسۆگەردا لەخۆبگرێت، بە مەبەستی بەدیهێنانی گەشەپێدانی بەردەوام بۆ ئەم پارانە و دابینکردنی سەرچاوەی دارایی زیادە کە هاوکار بن لە پاڵپشتیکردنی نەوجەواناندا.
وەزارەتی دهرهوهلەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه: "وەزیری داد خالد شوانی سەرۆکایەتی کۆبوونەوەیەکی کرد کە کادیرانی ئیداری باڵای لە فەرمانگەی چاودێری نەوجەوانان (دائرة رعاية القاصرين) لەخۆگرتبوو، بە مەبەستی تاوتوێکردنی میکانیزمەکانی پەرەپێدانی کاری فەرمانگەکە و بەرزکردنەوەی ئاستی ئەو خزمەتگوزارییانەی پێشکەش بەو کەسانە دەکرێن کە دەستەبەری چاودێرییەکە دەیانگرێتەوە، بە شێوەیەک کە لەگەڵ بەرنامەی حکومەت و ئەولەویەتەکانی وەزارەتدا بگونجێت لە بەهێزکردنی پاراستنی یاسایی و کۆمەڵایەتی بۆ ئەم توێژە".
لە راگهیندراوهكه هاتووە: "وەزیری داد ڕێنمایی دا بۆ ئامادەکردنيی پلانێکی ستراتیژی گشتگیر کە بخرێتە ناو بەرنامەی حکومەتەوە، بە جۆرێک کە وەبەرهێنانی پارەی نەوجەوانان لە پرۆژەگەلێکی خاوەن قازانجی مسۆگەردا بەپێی چوارچێوە یاساییە کارپێکراوەکان لەخۆبگرێت، بۆ بەدیهێنانی گەشەپێدانی بەردەوام بۆ ئەم پارانە و دابینکردنی سەرچاوەی دارایی زیادە کە هاوکار بن لە پاڵپشتیکردنی نەوجەوانان و پاراستنی مافەکانیاندا، لەگەڵ دابینکردنی سەرجەم دەستەبەرییە یاسایی و کارگێڕییەکان کە پاراستنی ئەو پارانە مسۆگەر دەکەن".
بەپێی راگهیندراوهكه، وەزیر جەختی کردەوە کە "وەزارەتی داد بەردەوامە لە بەهێزکردنی ڕۆڵی فەرمانگەی چاودێريی نەوجەوانان و دادپەروەری نواندن لەگەڵ ئەم توێژەدا، ئەمەش لە سۆنگەی بەرپرسیارێتی یاسایی و مرۆیی خۆیەوە"، و جەختیشی لەسەر "گرنگی گرتنەبەری دیدگای هاوچەرخ کردەوە کە هاوکار بن لە پەرەپێدانی ئەدای دامەزراوەیی و بەدیهێنانی باشترین ئاستەکانی چاودێری و خزمەتگوزاری".
له راگهیندراوهكهدا ئاماژە بەوەش كراوه كه : "وەزیری داد ڕێنمایی داوە بۆ پەرەپێدانی ژێرخانی فەرمانگەکە و هێنانەکایەی بەڕێوبەرایەتی نوێ بەپێی پێویستی راستەقینە و پێداویستییەکانی کارکردن، سەرەڕای بەهێزکردنی میلاکەکانی بە کادیرانی وەزیفی پسپۆڕ، بە شێوەیەک کە پاڵپشتی لە ئاراستەکانی وەزارەت بکات بەرەو فراوانکردنی مەودای خزمەتگوزارییە پێشکەشکراوەکان و بەرزکردنەوەی کارایی ئەدا لە جومگە جیاوازەکانی فەرمانگەکەدا".
