بەغدا - INA
ئەمڕۆ دووشەممە، ئاژانسی هەواڵگری و بەرەنگاربوونەوەی تێرۆر لە کەرکووک، دەستگیرکردنی تۆمەتبارێکی بە تاوانەکانی کوشتن و ڕفاندن لە وڵاتی سوید ڕاگەیاند.
لە ڕاگەیەندراوێکی ئاژانسەکەدا کە بە دەست ئاژانسی هەواڵی عێراقی (INA) گەیشتووە، هاتووە: "مەفرەزەکانی ئاژانسی هەواڵگریی پسپۆڕ لە بواری بەرەنگاربوونەوەی تێرۆر لە پارێزگای کەرکووک، تۆمەتبارێکیان بە تاوانی کوشتن و ڕفاندن لە سوید دەستگیر کرد، ئەمەش دوای گەیشتنی زانیاریی ورد کە ئاماژەیان بە هەبوونی تۆمەتبارەکە دەکرد لەناو پارێزگاکەدا".
ڕاگەیەندراوەکە ئاماژەی بەوەش کردووە کە "دەستبەجێ مەفرەزەکان دەستیان کردووە بە چڕکردنەوەی هەوڵە هەواڵگرییەکان و بەدواداچوونی مەیدانی، کە ئەوەش وای لێ کردن بتوانن دەستگیری بکەن و ڕادەستی لایەنە پێوەندیدارەکانی بکەن بە مەبەستی تەواوکردنی ڕێکارە یاساییەکان لە دژی".
