بەدواداچوون - INA
ئاژانسی "تەسەنیم"ی ئێرانی، ئەمڕۆ هەینی، رایگەیاند: دەقی یاداشتی لێکتێگەیشتنی نێوان تاران و واشنتن هەندێک گۆڕانکاری بەخۆوە بینیوە.
ئاژانسەکە لە زاری سەرچاوەیەکی ئاگادارەوە ڕایگەیاندووە: "دەقەکە تاوەکو ئەم ساتە بە شێوەیەکی کۆتایی یەکلا نەکراوەتەوە، و کاتێک تەواو کرا بە شێوەیەکی فەرمی ڕادەگەیەنرێت".
ئەو سەرچاوەیە ڕووداوەکانی زیاتر ڕوون کردەوە و وتی: "ئەو ڕاپۆرتانەی کە هەندێک لە میدیا ڕۆژئاواییەکان لەبارەی یاداشتەکەوە بڵاویان کردووەتەوە وردبین نین"، ئاماژەی بەوەشکرد: "دەقی یاداشتی لێکتێگەیشتنی ئەگەری، لە ماوەی چەند ڕۆژی ڕابردوودا گۆڕانکاری بەسەردا هاتووە".
رونیشیكردەوە: "ڕاگەیاندنی فەرمی فۆرمۆڵە و دەقە کۆتاییەکە، دەستبەجێ دوای پەسەندکردنی بە تەواوی ئەنجام دەدرێت".
