بەغدا - INA
عەلی فالح زەیدی، سەرۆکی ئەنجومەنی وەزیران، ئەمڕۆ پێنجشەممە زەیدی جەختی لە بەردەوام بوون لەسەر ئەو پڕۆژەیە کردەوە کە مەرجەعییەتی باڵای ئایینی داوای کردووە و بریتییە لە کۆنترۆڵکردنی چەک لەلایەن دەوڵەتەوە و ئاماژەی بەوەشکرد کە حکومەت دەیەوێت دەوڵەت تاکە لایەن بێت کە خاوەنی چەک بێت.
نووسینگەی ڕاگەیاندنی سەرۆک وەزیران لە ڕاگەیەندراوێکدا کە بۆ ئاژانسی هەواڵی عێراقی (INA) نێردراوە ڕایگەیاند: عەلی فالح زەیدی، سەرۆکی ئەنجومەنی وەزیران، بەبۆنەی جەژنی قوربانی پیرۆزەوە پێشوازی کرد لە لە کۆمەڵێک سەرۆک هۆز و کەسایەتی دیار و پیرۆزبایی لەگەڵیان گۆڕییەوە.
بەگوێرەی راگەیەندراوەکە، زەیدی جەختی لەوە کردەوە کە هۆزەکان پاڵپشتی دەوڵەت و مێژووە زیندووەکەین، و ڕۆڵێکی بەرچاویان لە چارەسەرکردنی پرس و کێشەکاندا هەبووە، هەروەها ئەوان پارێزەری بەهاکان و ئاشتی مەدەنین و هێڵی یەکەمی بەرگرین بۆ دەوڵەت و بەشدارییان کردووە لە کۆتاییهێنان بە زۆرێک لە ململانێ و دووبەرەکی."
زەیدی جەختی لە بەردەوام بوون لەسەر ئەو پڕۆژەیە کردەوە کە مەرجەعییەتی باڵای ئایینی داوای کردووە و بریتییە لە کۆنترۆڵکردنی چەک لەلایەن دەوڵەتەوە و ئاماژەی بەوەشکرد کە حکومەت دەیەوێت دەوڵەت تاکە لایەن بێت کە خاوەنی چەک بێت
ڕاگەیەندراوەکە ئەوەشی خستووەتە ڕوو کە زەیدی گوێی لە پێشنیارەکانی ئامادەبووان گرت و خۆشحاڵی خۆی دەربڕی بە ئەنجامدانی دیدار لەگەڵ ئەم کۆمەڵە بەڕێزە لە سەرۆک هۆزەکان.
زەیدی ئاماژەی بەوە کرد کە دیوەخانی هۆزەکان قوتابخانەیەکە بۆ فێربوونی بەها و پرەنسیپە ڕەسەنەکان، تیشکی خستە سەر ئەوەش کە دەوڵەتان لەسەر سێ بنەما بونیاد دەنرێن: سەقامگیریی ئابووری، سەقامگیریی سیاسی و سەقامگیریی ئەمنی، جەختیشی کردەوە کە پێویستمان بە یەکخستنی گوتار هەیە لەم بارودۆخە هەستیارەدا، و کارکردنی هاوبەش بۆ پێشخستنی وڵات.
زەیدی تیشکی خستە سەر ئەوەی کە دەبێت تەنها دەوڵەت خاوەنی هێز بێت، ئەمەش بڕیارە و بژاردە نییە، جەخت لەسەر ڕێگریکردن لە بڵاوبوونەوەی چەک و بەکارهێنانیان لە تەقەی هەڕەمەکی و ململانێی خێڵەکیدا دەکەینەوە.
زەیدی جەختی کردەوە کە عێراق دەوڵەتێکە لە ناو کۆمەڵگەی نێودەوڵەتیدا، و بەردەوامین لە بەهێزکردنی پەیوەندییەکان و هاوکارییەکان، ئاماژەشی بە کارکردن بۆ کێشانی ناسنامەیەکی ئابووری بۆ عێراق و چوونە دەرەوە لە عەقڵییەتی سۆشیالیستی، لە ڕێگەی ڕاکێشانی کۆمپانیا جیهانییەکان بۆ وەبەرهێنان کرد.
لە کۆتاییدا زەیدی وتی: ڕێگە بە هیچ جۆرە فشار و هەڕەشەیەک یان ڕێگریکردن لە کاری کۆمپانیا بیانییەکان لە عێراقدا نادەین، ڕوونیشیکردەوە: دەمانەوێت هۆزەکان ڕۆڵی گەورەتریان هەبێت لە ڕێگریکردن لە هەر دەستدرێژییەک کە ئاسایش و سەقامگیریی وڵات دەکاتە ئامانج، ئاماژەشی بەوە کرد کە "عێراق پێویستی بە هاوسەنگی لە گوتار و پێکەوەژیان هەیە بۆ دەستەبەرکردنی مافەکانی ڕۆڵەکانی گەلەکەی
