بەغداد - INA
سەرۆکی ئەنجومەنی وەزیران عەلی فالح زەیدی، ئەمڕۆ سێشەممە، جەختیکردەوە لەسەر گرنگی تەواوکردنی پڕۆژەکانی ژێرخان، بەرزکردنەوەی ئاستی ئەدا و کوالێتی کارەکان، و پێشکەشکردنی باشترین خزمەتگوزاری بە هاووڵاتیان.
نووسینگەی ڕاگەیاندنی سەرۆکی ئەنجومەنی وەزیران لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "سەرۆکی ئەنجومەنی وەزیران عەلی فالح زەیدی، پێشوازی لە ئەمینداری بەغداد عەممار مووسا کازم کردووە".
لە بەشێکی تری راگهیندراوهكهدا هاتووە: " زەیدی گوێبیستی ڕوونکردنەوەیەکی تێروتەسەل بوو کە لەلایەن ئەمیندارەوە لەسەر دۆخی خزمەتگوزارییەکانی بەغدادی پایتەخت پێشکەشکرا، تێیدا پێداچوونەوە بەو پڕۆژە خزمەتگوزاری و ژێرخانانەدا ڕاگەیەنرا کە لەلایەن ئەمیندارێتییەوە جێبەجێکراون یان ئەوانەی هێشتا لە قۆناغی جێبەجێکردن دان، لەگەڵ خستنەڕووی دیارترین ئەو کۆسپانەی دەبنە ڕێگر لە بەردەم بەڕێوەچوونی کارەکان و پێشنیارکردنی چارەسەری گونجاو بۆیان".
ههروهها له راگهیندراوهكهدا ئهوهیش هاتووه كه: "سەرۆکی ئەنجومەنی وەزیران ڕێنماییداوە بە گرنگی تەواوکردنی پڕۆژەکانی ژێرخان و بەرزکردنەوەی ئاستی ئەدا و کوالێتی کارەکان، بە مەبەستی پێشکەشکردنی باشترین خزمەتگوزاری بە هاووڵاتیان"، دواجار جەختیشی لەسەر ئەوە کردووەتەوە کە "پێویستە ئەمیندارێتی بەغداد سیاسەتی کەمکردنەوە و گوشینی خەرجییەکان و زیادکردنی داهاتەکان بگرێتەبەر، بە شێوەیەک کە هاوکار بێت لە بەهێزکردنی سەرچاوە داراییەکان و بەدیهێنانی گەشەپێدانی بەردەوام".
