بەغدا - INA
ئەمڕۆ دووشەممە، یاریزانی هەڵبژاردەی عێراق بۆ پاراتایکواندۆ، شاد سابیر مەدالیای زیوی لە ڕکابەرییەکانی پاڵەوانێتی ئاسیادا بەدەستهێنا کە ئێستا لە ئۆلان باتۆری پایتەختی مەنگۆلیا بەڕێوەدەچێت، ئەمەش دوای زنجیرەیەک ململانێی بەهێز کە تێیدا ئاستێکی تەکنیکی بەرزی پێشکەش کرد و ئامادەیی خۆی لەسەر ئاستی کیشوەرەکە جەختکردەوە.
لە ڕاگەیەندراوێکی لیژنەی پارالۆمپیادی عێراقیدا کە بە دەست ئاژانسی هەواڵی عێراقی (INA) گەیشتووە، هاتووە: ئەم دەستکەوتە بەرهەمی ئەو کارە بەردەوامەیە کە فیدراسیۆنی تایکواندۆی پارالۆمپیادی عێراقی پەیڕەوی دەکات لە ڕێگەی پاڵپشتیکردنی یاریزانان و دابینکردنی کەشوهەوای گونجاو بۆ ئامادەکاری و بەشداریکردن لە پاڵەوانێتییە دەرەکییەکاندا، بە شێوازێک کە بەشدار بێت لە بەدیهێنانی ئەنجامی شەرەفمەندانە بۆ وەرزشی عێراقی لەسەر ئاستی کیشوەرەکە و نێودەوڵەتی.
ڕاگەیەندراوەکە ئاماژەی بەوەشکرد کە پاڵەوانێتییەکە بەشداریکردنێکی بەرفراوانی دیارترین یاریزانانی کیشوەری ئاسیا لەخۆ دەگرێت، چونکە مەنگۆلیا میوانداری ڕکابەرییەکانی پاڵەوانێتی ئاسیا بۆ پاراتایکواندۆ دەکات، هاوشانی پاڵەوانێتی پاڵاوتن تایبەت بە یارییەکانی گۆڕەپان و مەیدانی پارالۆمپیادی ئاسیا "ئایچی – ناگۆیا 2026" لە ژاپۆن.
جەختیشی کردەوە کە پاڵەوانێتییەکەی ئێستا گرنگییەکی زۆری بۆ هەڵبژاردە ئاسیاییەکان هەیە، چونکە هاوکاتە لەگەڵ پاڵاواتنەکانی گەیشتن بە یارییەکانی داهاتووی پارالۆمپیادی ئاسیا کە لە ماوەی ئەمساڵدا لە ژاپۆن بەڕێوەدەچێت، لە نێوەندی کێبڕکێیەکی بەهێزدا بۆ بەدەستهێنانی بلیتی سەرکەوتن.
