بەغداد – INA
سەرۆک کۆمار، نزار ئامێدی، ئەمڕۆ سێشەممە، جەختی کردەوە لە گرنگیی چەسپاندنی پەیوەندییەکان لەگەڵ هیندستان بۆ بەهێزکردنی هاوکارییەکان.
نووسینگەی ڕاگەیاندنی سەرۆکایەتی کۆمار لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "سەرۆک کۆمار، نامەیەکی پیرۆزبایی لە درۆپادی مۆرمۆ، سەرۆک کۆماری هیندستانەوە پێگەیشت، کە لەلایەن سومین باغشی، باڵیۆزی هیندستان لە عێراقەوە ڕادەستی کرا، بەبۆنەی وەرگرتنی پۆستی سەرۆک کۆمار."
سەرۆک کۆماری هیندستان لە نامەکەیدا جەختی کردووەتەوە لە "پەرۆشی وڵاتەکەی بۆ پەرەپێدانی پەیوەندییە دووقۆڵییەکان لەگەڵ عێراق و بەهێزکردنی هاوکارییە هاوبەشەکان لە بوارە جیاوازەکاندا، بە شێوەیەک کە خزمەت بە بەرژەوەندییەکانی هەردوو گەلی دۆست بکات."
لای خۆیەوە، سەرۆک کۆمار سوپاس و پێزانینی خۆی ئاراستەی سەرۆک کۆماری هیندستان کرد بۆ هەستە جوانەکانی و جەختی کردەوە لە "گرنگیی چەسپاندنی پەیوەندییەکان لەگەڵ هیندستان و فراوانکردنی ئاسۆکانی هاوکاری، بەتایبەت لە بوارەکانی ئابووری، وزە، خوێندن و وەبەرهێناندا."
