بەغدا - INA
دەستەی کەشناسی، ئەمڕۆ پێنجشەممە، وردەکاریی دۆخی کەشوهەوای وڵاتی بۆ ڕۆژانی داهاتوو ڕاگەیاند، هاوکات پێشبینی بارانبارین و بەرزبوونەوەی نوێی پلەکانی گەرمای کرد.
ڕاگەیەندراوێکی دەستەکە کە بۆ ئاژانسی هەواڵی عێراقی (INA) نێردراوە، ئاماژەی بەوە کردووە: سبەی هەینی، کەشوهەوا ساماڵ دەبێت لەگەڵ هەندێک پەڵەهەور لە هەردوو ناوچەی باکوور و ناوەڕاست، و لە ناوچەی باشوور ئاسمان نیمچە هەور بۆ هەور دەبێت لەگەڵ ئەگەری تاوەبارانی سووک بۆ مامناوەند کە هەورەبروسکەی لەگەڵدا دەبێت. پلەکانی گەرما لە ناوچەکانی ناوەڕاست و باکوور کەمێک بەرز دەبنەوە و لە ناوچەی باشوور وەک خۆیان دەمێننەوە. مەودای بینین (٨-١٠) کم دەبێت و لە کاتی بارانباریندا بۆ (٥-٧) کم کەمدەبێتەوە.
هەروەها هاتووە، بەرزترین پلەکانی گەرما بۆ سبەی هەینی لە پارێزگاکانی عێراق بەم شێوەیە دەبێت:
دهۆک، هەولێر و سلێمانی ٢٥، نەینەوا و کەرکوک ٢٨، دیالە و ئەنبار ٣٠، کەربەلای پیرۆز و سەڵاحەدین ٣١، بەغدا، نەجەفی ئەشرەف، دیوانییە، بابل و واست ٣٢، موسەنا ٣٣، میسان و زیقار ٣٤، بەسرە ٣٦ پلەی سیلیزی.
ڕاگەیەندراوەکە زیادیکردووە: کەشوهەوای ڕۆژی شەممە ساماڵ دەبێت و لە شەودا لە زۆربەی شارەکانی وڵاتدا دەگۆڕێت بۆ نیمچە هەور، پلەکانی گەرما لە سەرانسەری وڵاتدا کەمێک بەرز دەبنەوە بە بەراورد بە ڕۆژی پێشوو.
ئاماژەی بەوەش کردووە: ڕۆژی یەکشەممە کەشوهەوا ساماڵ دەبێت لەگەڵ هەندێک پەڵەهەور، با لە ئاڕاستەی باکووری ڕۆژئاواوە دەبێت و خێراییەکەی سووک بۆ مامناوەند دەبێت، لە بەشەکانی ڕۆژهەڵاتی ناوچەکانی ناوەڕاست و باشووردا چالاک دەبێت بۆ (٤٠) کم لە کاتژمێرێکدا و دەبێتە هۆی بەرزبوونەوەی تۆزوخۆڵێکی ناوخۆیی کەم. پلەکانی گەرما لە ناوچەکانی ناوەڕاست و باشوور کەمێک بەرز دەبنەوە و لە ناوچەی باکووردا وەک ڕۆژی پێشوو دەمێننەوە. مەودای بینین (٨-١٠) کم دەبێت.
لە کۆتاییدا هاتووە: دۆخی کەشوهەوای پێشبینیکراو بۆ ڕۆژی دووشەممە بەم شێوەیە دەبێت: ئاسمان ساماڵ دەبێت لەگەڵ هەندێک پەڵەهەور و لە شەودا لە زۆربەی شارەکاندا دەگۆڕێت بۆ نیمچە هەور، پلەکانی گەرما لە سەرانسەری وڵاتدا کەمێک بەرز دەبنەوە بە بەراورد بە ڕۆژی پێشوو.
