بەغداد – INA
ئێوارەی ئەمڕۆ سێشەممە، ڕکابەرییەکانی گهڕی ٣٣ی خولی ئەستێرەکانی عێراق بۆ تۆپی پێی پیشەگەران دەستپێدەکەن، بە ئەنجامدانی چوار یاری گرنگ کە لە سەرووی هەموویانەوە یاری لوتکەی چاوەڕوانکراوی نێوان تەڵەبە و زەورایە.
یاریگای دهۆک، لە کاتژمێر پێنج و نیوی ئێوارەدا، ڕووبەڕووبوونەوەی خاوەن ماڵ لەگەڵ میوانەکەی "نەوتی میسان"، بهخۆیهوه دهبینێت لە دیدارێکدا کە تێیدا یانەی میوان هەوڵدەدات لە ناوچەکانی مەترسی دووربکەوێتەوە و چانسەکانی بۆ مانەوە بەهێز بکات.
لە هەمان کاتدا، یانهی نەورۆز لەسەر یاریگا و لەبەردەم جەماوەرەکەیدا، پێشوازی لە پاڵەوانی وەرزی ڕابردوو "شورتە" دەکات، لە ڕووبەڕووبوونەوەیەکی بەهێزدا کە تێیدا هەردوو تیپەکە ئاواتەخوازن سەرکەوتن بەدەستبهێنن و سێ خاڵەکە بڕفێنن بۆ بەردەوامبوون لە ڕکابەرییەکان.
لە کاتژمێر هەشت و نیوی شەودا، یاریگای کاپتن شەڕار حەیدەر، یاری نێوان نەوت و میوانەکەی "گەرمە" لەخۆدەگرێت، کە تێیدا یانەی کەرمە بە سەرکردایەتی ڕاهێنەرە نوێیەکەی "موئمن سولەیمان"، هەوڵدەدات سوود لە گەڕەکانی ماوەی تەمەنی پاڵەوانێتییەکە وەربگرێت و زیاتر لە چوارگۆشەی زێڕین نزیک ببێتەوە.
یاریگای نێودەوڵەتی "مەدینە" کۆتایی بە یارییەکانی ڕۆژی یەکەم دەهێنێت بە یارییەکی لوتکەی جەماوەری چاوەڕوانکراو کە تەڵەبە و زەورا کۆدەکاتەوە، لە ڕووبەڕووبوونەوەیەکدا کە ڕەنگدانەوەی ململانێیەکی ڕاستەوخۆیە لەسەر پلەی چوارەم، لە نێوەندی چاوهڕوانی گەورەی هەردوو یانهكه بۆ یەکلاییکردنەوەی ڕووبەڕووبوونەوەکە لە بەرژەوەندی خۆیان و بەهێزکردنی پێگەیان لە خشتەی ڕیزبەندیدا.
