بەغدا – INA
ئەمڕۆ شەممە عەلی فالح زەیدی سەرۆك وەزیرانی ڕاسپێردراو، لەگەڵ ڕەجەب تەیب ئەردۆغان، سەرۆك كۆماری توركیا، ڕێگاكانی پەرەپێدان و پتەوكردنی پەیوەندییە دووقۆڵییەكان لە بوارە جیاجیاكاندا تاوتوێ كرد، ئەردۆغان بانگهێشتی زەیدی كرد بۆ ئەوەی لە زووترین دەرفەتدا سەردانی توركیا بكات.
نووسینگەی ڕاگەیاندنی سەرۆك وەزیران لە بەیاننامەیەكی ڕۆژنامەوانیدا كە بە ئاژانسی هەواڵی عێراقی (INA) گەیشتووە و ڕایگەیاندووە : عەلی فالح زەیدی سەرۆك وەزیرانی ڕاسپێردراو پەیوەندییەكی تەلەفۆنی لە ڕەجەب تەیب ئەردۆغان سەرۆك كۆماری توركیاوە پێگەیشتووە، كە بە بۆنەی ڕاسپاردەی فەرمی بۆ پێكهێنانی حكومەتی نوێ، پیرۆزبایی لێكردوون.
لە بەیاننامەكەدا ئاماژەی بەوەشكردووە : لە میانی بانگەوازەكەدا هەردوولا گفتوگۆیان لەسەر ڕێگاكانی پەرەپێدان و پتەوكردنی پەیوەندییە دووقۆڵییەكان كرد لە بوارە جیاجیاكاندا، بە شێوەیەك كە مسۆگەر بكات لە بەرزكردنەوەی بەرژەوەندی هاوبەش و قازانجی هاوبەشی نێوان هەردوو وڵاتی دۆست. ئەردۆغان پاڵپشتی وڵاتەكەی بۆ سەقامگیری لە عێراق و پێكهێنانی حكومەتی نوێ دووپاتكردەوە، هەروەها بانگهێشتی ئەلزەیدیشی كرد بۆ ئەوەی لە زووترین دەرفەتدا سەردانی توركیا بكات.
