بەغدا - INA
ئەمڕۆ شەممە عەلی فالح زەیدی سەرۆكوەزیرانی ڕاسپێردراو، لەگەڵ شاسوار عەبدولواحید سەرۆكی نەوەی نوێ كۆبووەوە و جەختی لە گرنگی یەكڕیزی نیشتمانی و هەوڵی هاوبەش بۆ خێراتركردنی پێكهێنانی حكومەتی نوێ كردەوە.
نووسینگەی ڕاگەیاندنی سەرۆكی ئەنجومەنی وەزیران لە بەیاننامەیەكدا كە بە ئاژانسی هەواڵی عێراقی (INA) گەیشتووە و ڕایگەیاندووە : عەلی فالح زەیدی سەرۆك وەزیرانی ڕاسپێردراو لە میانی سەردانەكەیدا بۆ شاری سلێمانی لەگەڵ شاسوار عەبدولواحید، سەرۆكی بزووتنەوەی نەوەی نوێ كۆبووەوە.
لە بەیاننامەكەدا ئاماژە بەوەشكراوە : لە كۆبوونەوەكەدا باس لە دوایین پێشهاتەكانی وڵات كرا و جەختی لەسەر پێویستی یەكڕیزیی نیشتمانی و هەوڵی هاوبەش كرایەوە بۆ خێراتركردنی پێكهێنانی حكومەتی نوێ، بەمەش بەشداریكردن لە پتەوكردنی سەقامگیری و بەدیهێنانی هیوا و خواستەكانی گەلی عێراق.
