بەغدا - INA
ئەمڕۆ شەممە محەمەد شیاع سودانی سەرۆكی ئەنجومەنی وەزیران و هەیبەت حەمەد حەلبوسی سەرۆكی پەرلەمان، جەختیان لە پێویستی هەوڵی هاوبەش و بەردەوامی گفتوگۆ لەنێوان هەموو هێزە سیاسییەكان بۆ خێراتركردنی پێكهێنانی حكومەتی نوێ كردەوە.
نووسینگەی ڕاگەیاندنی سەرۆك وەزیران لە بەیاننامەیەكی ڕۆژنامەوانیدا كە بە ئاژانسی هەواڵی عێراقی (INA) گەیشتووە و ڕایگەیاند : محەمەد شیاع سودانی، سەرۆكی ئەنجومەنی وەزیران پێشوازی لە هەیبەت حەمەد حەلبوسی سەرۆكی پەرلەمان كرد.
ئاماژە بەوەشكراوە : لە میانی كۆبوونەوەكەدا باس لە بارودۆخی گشتی وڵات كرا، جەختیش لەسەر گرنگی بەهێزكردنی هەموو هەوڵ و هەڵوێستەكان كرایەوە بۆ بەدیهێنانی خواستەكانی گەلی بەڕێزمان.
لە بەیاننامەكەدا هاتووە : كۆبوونەوەكە جەختی لەسەر پێویستی هەوڵی هاوبەش و بەردەوامی گفتوگۆ لە نێوان هەموو هێزە سیاسییەكان كراوەتەوە بۆ خێراتركردنی پێكهێنانی حكومەتی نوێ و بنیاتنانی لەسەر ئەو دەستكەوتانەی لە گەشەپێدان و خزمەتگوزارییە گشتیەكاندا بەدەست هاتوون.
