بەغدا - INA
وەزارەتی بەرگری، ئەمڕۆ پێنجشەممە ڕایگەیاند، فڕۆکەیەکی بێفڕۆکەوانی ناسنامە نادیار لە سنووری لێپرسراوێتی لیوای ٤٥ی فیرقەی ١١ خراوەتە خوارەوە.
وەزارەتەکە لە بەیاننامەیەکدا کە بۆ ئاژانسی هەواڵی عێراقی (INA) نێردراوە ڕایگەیاند: کاتژمێر (١٢:٠٠)ی دوێنێ چوارشەممە ٢٩ی نیسانی ٢٠٢٦، هێزەکانی فەوجی یەکەم/ لیوای ٥/ فیرقەی ١١، توانییان فڕۆکەیەکی بێفڕۆکەوانی ناسنامە نادیار لە سنووری لێپرسراوێتییەکەیاندا بەدی بکەن.
ئاماژەی بەوەش کرد، دەستبەجێ دوای دۆزینەوەی ئامانجەکە، هەماهەنگی لەگەڵ بارەگای فیرقە کرا بۆ دڵنیابوونەوە لە ناسنامەکەی، دەرکەوت کە نەناسراوە، لەسەر ئەو بنەمایەش هێزەکان لە ڕێگەی چەکە پاڵپشتەکانەوە ڕووبەڕووی بوونەوە و توانییان بە سەرکەوتوویی بیخەنە خوارەوە.
وەزارەت جەختی کردەوە کە هێزەکانی لەوپەڕی ئامادەییدان بۆ مامەڵەکردن لەگەڵ هەر هەڕەشەیەکی ئاسمانی یان وشکانی، و کەمتەرخەمی ناکەن لە پاراستنی عێراق و گەلەکەی و بەرەنگاربوونەوەی هەر پێشێلکارییەکی ئەمنی
