نێودەوڵەتی – INA
وەزارەتی بەرگریی تورکیا دیمەنەکانی مەشقی فرەنەتەوەیی "فلینتلۆک 2026"ی بۆ هێزە تایبەتەکان لە لیبیا بڵاوکردەوە، کە لە 13ی ئەم مانگەدا دەستی پێکردووە و تاوەکو 30ی نیسان بەردەوام دەبێت.
لە دیمەنە ڤیدیۆییەکاندا، مەشقکردنی هێزە تایبەتەکانی میسر و تورکیا بەیەکەوە دەرکەوتووە. ئەم مەشقانە کە لە شاری سرت ئەنجام دەدرێن —کە پێشتر لە ساڵی 2020 ناوچەیەکی پڕ لە گرژی بوو و خەریک بوو ڕووبەڕووبوونەوە لەنێوان هەردوو لایەندا ڕووبدات— تیشک دەخەنە سەر باشبوونی پەیوەندییەکان و زیادبوونی ئاستی هەماهەنگی نێوانیان.
سەرچاوە: ئاژانسەکان
