بەغدا - INA
ئەمڕۆ دووشەممە، دەستەی کەشناسی، پێشبینی بەردەوامی دۆخی ناسەقامگیری کەشوهەوا و ئەگەری بارینی تاوەبارانی کرد، کە کاریگەرییەکەی لە ماوەی ڕۆژی سبەی سێشەممەشدا بەردەوام دەبێت لەگەڵ بارانی بەخوڕ لە هەندێک کاتدا، بەتایبەت لە شارەکانی ناوەڕاست و ڕۆژهەڵاتی وڵات.
دەستەی کەشناسی لە ڕاگەیەندراوێکدا کە دەست ئاژانسی هەواڵی عێراقی (INA) کەوتووە، ڕایگەیاند: "وێنە مانگە دەستکردەکان کە بەشی پێشبینیکردنی کەشوهەوا وەریگرتوون، ئاماژە بە بەردەوامی دروستبوونی هەوری کەڵەکەبووی باراناوی دەکەن کە بە گەشەی ستوونی گەورە جیا دەکرێنەوە، ئەمەش تایبەتمەندییەکی دیاری هەورەکانی بەهارە، هەروەها ئەم هەورانە بە سروشتی خۆجێی لە دروستبوونیاندا دەناسرێنەوە".
ڕاگەیەندراوەکە ئاماژەی بەوەش کردووە: "ئەو پێشبینیانە ئاماژە بە بەردەوامی دۆخی ناسەقامگیری کەشوهەوا دەکەن، لەگەڵ هەبوونی هەلی بارینی تاوەبارانی هەورەبرووسکەدار لە شوێنە جیاجیاکانی شارەکانی وڵات، کە هەندێکجار بروسکە و هەورەبرووسکەی لەگەڵدا دەبێت، لەگەڵ چالاکبوونی بای دابەزیو، و دووریش نییە لە هەندێک ناوچە تەرزە ببارێت"، ئاماژەی بەوەش کردووە کە "کاریگەری دۆخی ناسەقامگیری لە ماوەی ڕۆژی سبەی سێشەممەشدا بەردەوام دەبێت لەگەڵ بارانی بەخوڕ لە هەندێک کاتدا، بەتایبەت لە شارەکانی ناوەڕاست و ڕۆژهەڵاتی وڵات".
هەروەها وتیشی: "هەلی بارانبارین لە کاتەکانی شەوی سێشەممەدا کەمدەبێتەوە، لەگەڵ بەردەوامی دروستبوونی هەورەبرووسکە لە شوێنەکانی شارەکانی باکوور و ڕۆژهەڵاتی وڵات"، جەختیشی کردەوە کە "پێویستە وریای توندی و بەخوڕی باران بن لە هەندێک کاتدا، هەروەها وریای بروسکە و چالاکبوونی بای دابەزیو و ئەگەری بارینی تەرزە بن".
