بەغدا - INA
ئەمڕۆ دووشەممە، وەزیری ناوخۆ، عەبدولئەمیر شمەری، فەرمانی دا بە کردنەوەی لێکۆڵینەوە بۆ زانینی وردەکاریی ڕووداوی ئەو شەڕەقسەیەی کە دوێنێ یەکشەممە لە نێوان کارمەندێکی هاتووچۆ و شۆفێری ئۆتۆمبێلێکی مەدەنی ڕوویدا، جەختیشی کردەوە کە وەزارەت ڕێگە بە هیچ ڕەفتارێک نادات کە لە چوارچێوەی یاسا بچێتە دەرەوە لەلایەن هەر لایەنێکەوە بێت.
لە ڕاگەیەندراوێکی وەزارەتی ناوخۆدا کە دەستی ئاژانسی هەواڵی عێراقی (INA) کەوتووە، هاتووە: "وەزیری ناوخۆ، عەبدولئەمیر شمەری، فەرمانی دا بە کردنەوەی لێکۆڵینەوە بۆ زانینی وردەکاریی ڕووداوی ئەو شەڕەقسەیەی کە دوێنێ یەکشەممە لە نێوان کارمەندێکی هاتووچۆ و شۆفێری ئۆتۆمبێلێکی مەدەنی ڕوویدا"، ئاماژەی بەوەش کردووە کە "پرۆسەی دەستگیرکردنەکە لەلایەن کارمەندانی پۆلیسی فریاکەوتن لە ناوچەی مەنسوور لە بەغدای پایتەخت ئەنجامدراوە".
شمەری جەختی کردەوە لەسەر "پێویستی لێکۆڵینەوەی ورد لە وردەکارییەکانی ڕووداوەکە و گرتنەبەری سەرجەم ڕێکارە یاساییە پێویستەکان بەرامبەر هەر کەسێک کە کەمتەرخەمییەکەی بسەلمێنرێت"، جەختیشی کردەوە کە "وەزارەت ڕێگە بە هیچ ڕەفتارێک نادات کە لە چوارچێوەی یاسا بچێتە دەرەوە لەلایەن هەر لایەنێکەوە بێت".
