بەغدا - INA- ئامنە سەلامی
وەزارەتی کشتوکاڵ، ئەمڕۆ پێنجشەممە، تەواوکردنی ڕێنماییەکانی پێدانی مووچەی خانەنشینی بە دەرچووانی کشتوکاڵی ڕاگەیاند، هاوکات ئاماژەی بە ناردنی لیستی ناوی دەرچووان کرد بۆ ئەوەی بخرێنە ناو سندووقی دابینکردنی کۆمەڵایەتی .
مەهدی سەهەر جبووری، بریکاری وەزارەتی کشتوکاڵ، بە ئاژانسی هەواڵی عێراقی (INA)ی ڕاگەیاند: یاسای ژمارە ١٦ی ساڵی ٢٠٢٤، کە یەکەم هەمواری یاسای ڕێکخستنی بەکرێدانی زەوییە کشتوکاڵییەکان و پێدانی مافی بەکارهێنانیەتی بە دەرچووانی کشتوکاڵ و ڤێتێرنەری (ژمارە ٢٤ی ساڵی ٢٠١٣)، لە ماددەی شەشەمیدا دەقێکی تێدایە کە باس لە ئەژمارکردنی ماوەی خزمەتی کشتوکاڵیی ئەو دەرچووانەی دانەمەزراون دەکات بۆ مەبەستی خانەنشینی.
جبووری وتیشی: ئەم ڕێکارە دوای وەرگرتنی بڕی لێبڕینی خانەنشینی بەپێی بڕیارە بەرکارەکان ئەنجام دەدرێت، ئاماژەی بەوەش کرد کە هەردوو وەزیری کشتوکاڵ و کار و کاروباری کۆمەڵایەتی ڕێنمایی دەردەکەن بۆ ئاسانکاریی جێبەجێکردنی ئەم ماددانە.
ئاماژەی بەوەش کرد کە لیژنەیەکی هاوبەش لە نێوان وەزارەتەکانی کشتوکاڵ و کار پێکهێنراوە بۆ داڕشتنی ڕێنماییەکانی جێبەجێکردنی ماددەی ٦ی یاساکە، بە مەبەستی تەرخانکردن و خەرجکردنی مووچەی خانەنشینی بۆ دەرچووانی کشتوکاڵی کە دانەمەزراون، جەختیشی کردەوە کە ڕێنماییەکان تەواو کراون و چاوەڕێی ڕەوانەکردنیانن بۆ وەزارەتی کار تاوەکو لە کۆبوونەوەی ئەنجومەنی کارگێڕی سندووقی دابینکردنی کۆمەڵایەتیدا بخرێنە ڕوو بۆ پەسەندکردنی ڕێژەی لێبڕینەکانی خانەنشینی.
هەروەها وتیشی: لیستی ناوی هەموو ئەو دەرچووانی کشتوکاڵەی کە دانەمەزراون لە سەرانسەری پارێزگاکانی عێراق ڕەوانەی وەزارەتی کار و کاروباری کۆمەڵایەتی کراوە بۆ ئەوەی بخرێنە ناو سندووقەکەوە و مووچەی خانەنشینییان بۆ تەرخان بکرێت، تیشکی خستە سەر ئەوەش کە ئەم هەنگاوە وەک پاڵپشتی و هاندانێکە بۆ دەرچووان تاوەکو کارەکانیان بکەن، و پاڵنەرێکە بۆ ئەندازیارانی کشتوکاڵ و پزیشکانی ڤێتێرنەری بۆ وەبەرهێنان لە کەرتی تایبەت و ئەنجامدانی پڕۆژەی کشتوکاڵی لەبری چاوەڕوانییەکی درێژ بۆ دامەزراندنی حکومی.
بریکاری وەزارەت ڕوونی کردەوە کە ئەم ڕێکارانە ئامانجیان دەستەبەرکردنی هەلی کاری ڕاستەقینەیە لە ماوەی کارکردنیاندا لە کەرتی کشتوکاڵ، لەگەڵ گەرەنتی کردنی مووچەی خانەنشینی لەسەر بنەمای خزمەتی کشتوکاڵی بەپێی ماددەی شەشەمی یاسای ژمارە ١٦ی ساڵی
