بەغدا – INA
ئەمڕۆ سێشەممە، ڕکابەرییەکانی گەڕی ٣٠ی خولی ئەستێرەکانی عێراق بۆ تۆپی پێی پیشەگەران، بە ئەنجامدانی دوو یاری لە میسان و بەسرە دەست پێ دەکەن.
لەکاتژمێر پێنجی ئێوارەدا، یاریگای نێودەوڵەتی میسان میوانداری ڕووبەڕووبوونەوەیەک دەکات کە تێیدا خاوەن ماڵ، یانهی نەوتی میسان، ڕووبەڕووی میوانەکەی یانهی نەجەف دەبێتەوە، لە یارییەکدا کە هەردوولا هەوڵ دەدەن پێگەی خۆیان لە ڕیزبەندی خولەکەدا بەهێزتر بکەن.
لە یاری دووەمدا، کاتژمێر حەوت و نیوی ئێوارە، یانهی ئەمانەی بەغدا دەبێتە میوانی یانهی مینا لەسەر گۆڕهپانی یاریگای نێودەوڵەتی مینا. لەم ڕووبەڕووبوونەوەیەدا "سەفانە" چاوی لەوەیە سوود لە یاریگا و هاندەرانی وەربگرێت، لە کاتێکدا میوانەکان هیواخوازن بە ئەنجامێکی پۆزەتیڤ بچنە دەرەوە بۆ ئەوەی ئومێدی مانەوەیان لە ناو بازنەی گەورەکاندا (خولی نایاب) بە زیندویی بهێڵنەوە.
