بەغداد - INA
وەزارەتی پلاندانان، ئەمڕۆ چوارشەممە، ڕایگەیاند: لە ماوەی ٢٤ کاتژمێری ڕابردوودا نزیکەی ٣٠٠ بار، کە هاوتایە لەگەڵ زیاتر لە نیو تۆن زێڕی هاوردەکراو (زێڕی دروستکراو و قاڵب)، لە ڕێگەی فڕۆکەخانەی نێودەوڵەتی بەغدادەوە هاتووەتە ناو وڵات.
وتەبێژی فەرمی وەزارەتەکە عەبدولزەهرە هینداوی، بە ئاژانسی هەواڵی عێراقی، ڕاگەیاند: "فەیاز محەمەد عەبد، سەرۆکی دەزگای ناوەندی پێوانەسازی و کۆنترۆڵی جۆری، بە شێوەیەکی مەیدانی لە فڕۆکەخانەیە بۆ سەرپەرشتیکردنی ڕاستەوخۆی کاری ئەو تیمە تایبەتانەی کە پشکنین و مۆرکردنی زێڕە هاوردەکراوەکان ئەنجام دەدەن."
ئاماژەی بەوەشکرد: "لە ماوەی ٢٤ کاتژمێری ڕابردوودا، نزیکەی ٣٠٠ بار کە بڕەکەی دەگاتە زیاتر لە نیو تۆن زێڕی هاوردەکراو (زێڕی دروستکراو و قاڵب)، لە ڕێگەی فڕۆکەخانەی نێودەوڵەتی بەغداوە هاتووەتە ناوەوە."
وتیشی: "کاری یەکەی پشکنین لە فڕۆکەخانە بە درێژایی ٢٤ کاتژمێر بەردەوامە، بە ئامانجی خێراکردنی ڕێکارەکانی پشکنین و مۆرکردن و ڕێگریکردن لە دواکەوتنی بارەکان."
