بەغداد - INA
وەزارەتی پەروەردە، ئەمڕۆ چوارشەممە، بڵاوکردنەوەی خشتەی ئەزموونە گشتییەکانی خوێندنی ئامادەیی و مەرجەکانی بەشدارییکردنی بۆ قۆناغە کۆتایییەکان ڕاگەیاند.
نووسینگەی ڕاگەیاندنی وەزارەت، لە بەیاننامەیەکدا کە بۆ ئاژانسی هەواڵی عێراقی ناردووە، دەڵێت: "وەزارەتی پەروەردە خشتەی ئەزموونە گشتییەکانی قۆناغی ئامادەیی بۆ خوێندنی عەرەبی و بیانی (زمانی ئینگلیزی)، و ئەو ناوچانەی خوێندنی کوردی و تورکمانی دەیانگرێتەوە بۆ ساڵی خوێندنی ٢٠٢٥-٢٠٢٦ (خولی یەکەم) بڵاو دەکاتەوە"، جەختیشی کردەوە لەسەر "پێویستی ئاگادارکردنەوەی قوتابیان لە کات و ڕێکەوتەکان بە وردی".
نووسینگەکە ڕوونیکردەوە: "بەشدارییکردن لە ئەزموونەکاندا بۆ هەموو قوتابیانی پۆلی شەشەمی سەرەتایی دەبێت کە لە دەوام بەردەوامن، لە کاتێکدا قوتابی پۆلی سێیەمی ناوەندی و پۆلی شەشەمی ئامادەیی مافی بەشدارییکردنیان دەبێت ئەگەر لە هەموو وانەکاندا دەرچووبن، یان لە وانەیەک یان دوو یان سێ وانەدا کەوتبن لە نمرەکانی کۆششی ساڵانەدا، ئەمەش دوای هەژمارکردنی ١٠ نمرەی بڕیار.
