بەغدا - INAئەمڕۆ شەممە وەزارەتی بازرگانی ڕایگەیاند، كۆی گشتی هاوردەكردنی عێراق لە بەرازیلەوە گەیشتووەتە نزیكەی یەك ملیار و 800 ملیۆن دۆلار، كە بەپێی پێكهاتەی كاڵاكانی ساڵی 2024 بەسەر چەند كاڵایەكی بنەڕەتیدا دابەشكراوە.لە بەیاننامەیەكدا كە بە ئاژانسی هەواڵی عێراقی (INA) گەیشتووە و وەزارەتەكە بە توندی ئەو هەواڵانەی ڕەتكردەوە كە لە هەندێك لە دەزگاكانی ڕاگەیاندن و پلاتفۆرمی سۆشیال میدیادا بڵاوبوونەتەوە سەبارەت بە هاوردەكردنی پەلەوەری عێراق لە بەرازیلەوە كە بەهای یەك ملیار و 700 ملیۆن دۆلارە.لە بەیاننامەكەدا ئاماژە بەوەشكراوە : ئەو زانیاریانە درۆ و چەواشەكارانەن، و لەسەر بنەمای هیچ داتایەكی فەرمی نییە،جەختیشی لەوە كردەوە كە وەزارەتی بازرگانی ساڵانە پێكهاتەی كاڵا بۆ هاوردە و هەناردە بڵاودەكاتەوە، كە داتای ورد و متمانەپێكراو لەخۆدەگرێت لەسەر بنەمای ئاماری فەرمی. ڕوونیشی كردەوە، بەپێی پێكهاتەی كاڵاكانی ساڵی 2024، كۆی گشتی هاوردەكردنی عێراق لە بەرازیلەوە نزیكەی 1.8 ملیار دۆلار بووە، كە بەسەر چەندین كاڵای بنەڕەتیدا دابەشكراوە، دیارترینیان:• شەكر: نزیكەی 670 ملیۆن دۆلار.• گۆشت: نزیكەی 430 ملیۆن دۆلار.• ئاژەڵە زیندووەكان: نزیكەی 301 ملیۆن دۆلار.• دانەوێڵە: نزیكەی 265 ملیۆن دۆلار.وەزارەتەكە ڕوونیكردەوە : كە پەلەوەری دەچێتە ژێر پۆلی 'دانەوێڵە و نیسك و خۆراكی ئاژەڵان و بەهای ئەم پۆلە لە ساڵی 2023 گەیشتە 351 ملیۆن دۆلار، دواتر لە ساڵی 2024دا بۆ 265 ملیۆن دۆلار دابەزیوە. ئەمەش بە شێوەیەكی یەكلاكەرەوە ئەو ئیدیعایانە پووچەڵ دەكاتەوە كە گوایە پەلەوەری بە بەهای 7.1 ملیار دۆلار هاوردە كراوە.وەزارەتی بازرگانی جەختی لە پشتبەستنی تەواوەتی بە داتای فەرمی و پەسەندكراو لە سەرجەم چالاكییەكانیدا كردەوە، داوای لە دەزگاكانی ڕاگەیاندن و ئەوانەی ئارەزووی كاروباری ئابووری دەكەن، وردبینی بكەن و زانیاری لە سەرچاوە فەرمییەكانەوە وەربگرن، هەروەها بە ئاماری نادروست كە ڕەنگە ڕای گشتی بەلاڕێدا نەبەن.