شەفەق نیوز ـ وەدویاچگن
کامێرایگ پاپا فرانسیس لە زیادکردنیگ لە ڤیەنا وە بڕ هەفت ملیۆن و 490 هەزار دۆلار فرووشیا و داهاتەگەی ئەرا دەزگای خێرخوازیی پاپای گوچکردگ بوی.
کۆمپانیای لایکا لە بەیاننامەیگ راگەیان، کامێراگە کە مۆدێل میکانیکی M-A یە و نرخ مەزەنەکریاگ وەرینی لە ناوەین 69 تا 80 هەزار دۆلار بویە.
ئیە سێیەم بەرزترین نرخە کە تا ئیرنگە ئەرا کامێرای براندە وەناوبانگەگەی ئەڵمانیا لە زیایکردنەیل دریاس، نموونەیگ ساڵ 1923 کە لە مانگ حوزەیران 2022 وە 16.59 ملیۆن دۆلار فروشیا، هەمیش نموونەیگ ترەک هەمان ساڵ لە مانگ حوزەیران ساڵ وەرین وە 8.3 ملیۆن دۆلار فرووشیا.