شەفەق نیوز/ لیژنەی تەندروسی لە ئەنجومەن پارێزگای بەسرە راگەیان، سێ پسای گومانلێکریاگ وە تەو خوینوەربوین لە پارێزگاگە توومارکریاس، داوا لە هاوڵاتییەل کەێد رێکارەیل خوەپارێزی بگرنەوەر و پابەن بوون وەە ریکارەیل خوەپارێزی.
سەرۆک لیژنەی تەندروسی لە ئەنجومەن پارێزگای بەسرە، وە ئاژانس شەفەق نیوزوت: '' سێ پساگە دەسوەجی لە خەستەخانەی فێرکاری بەسرە کەرەنتین کریانە، لە سنوور چوارچمگ رێکارەیل تەندروسی پشت وە پی بەسریاگ، دیاریکرد ''تیمەیل پزشکی نمونەیل لە گۆمانلێکریاگەیل وەرگردنە و ئەرا تاقیگەی ناوەندی بەغداد کلکردنە ئەرا دڵنیا بوین لە تویشهاتنیان''.وتیش؛ ''بارودۆخەگە هاژیر کۆنترۆل لایەنەیل تەندروسی و چەودێری وەردەوامن لە کارەیل وشکنین مەیدانی و گەردین لە بازاڕەیل ناوخوەیی و کێڵگەیل ئیوەتکردن ئاژەڵ و ئاشخانەیل، لە ری چەودێریکردن و رێکارەیل خوەپارێزی پێوەست ئەرا نواگیری لە بڵاوبوین بیماریاگە، هیوا داریمن هاوڵاتیەیل پابەن بوون وە تەمەیل خوەپارێزی''.وەزارەت تەندروسی عراق لە گوزەشتە راگەیان، 27 تویشهاتن وە تەو خوینوەربوین لە سەرانسەر وڵاتەگە توومارکردنە، وەگەرد 5 مردن.