فڕۆکەیل تورکیا پەلامار شوینەیل پەکەکە دەن لە دوو کویە لە دهۆک

شەفەق نیوز/ سەرچەوەیگ ئەمنی، خەوەردا ک فڕۆکەیل جەنگی تورکیا، ئمڕوو شەممە، پەلامار ئاسمانی لەبان شوین چەکدارەیل پەکەکە لە کویەیل مەتین و کارە دان لە قەزای عمادیە باکوور پارێزگای دهۆک لە هەرێم کوردستان.

سەرچەوەگە ئەرا ئاژانس شەفەق نیوز وت: ناوچەیلیگ لە ئاوایەیل سمیری و سەرگلی لە کویەی مەتین کەفتە وەر ٣ گورز پشتاوپشت و هەمیش گورزەگە رەسیە کویەی هەفەت تەبەق لە زنجیرە کویەی گارە لەبان ناحیەیەی دیرلۆک.

جی باسە ک ئی ناوچە وەماوەی سێ هەفتەی گوزەشتە زیاتر لە ٥٠ گلە کەفتە وەر پەلامار ئاسمانی, و زەرەدەیل فرەیگ رەسانە دارستان و باخەیل خەڵکەگە.