دیجیتال میدیای سپێده
رێكخراوی نەتەوەیەكگرتووەكان رایگەیاند: ئیسرائیل لەسەرەتای ئەمساڵەوە 112 فەڵەستینی لەكەناری خۆرئاوا و رۆژهەڵاتی قودسی داگیركراو شههیدكردووه.
نووسینگەی كاروباری مرۆیی نەتەوەیەكگرتووەكان لەراپۆرتێكیدا بڵاویكردۆتەوە: لەسەرەتای ئەمساڵەوە تاكو 29ی ئایار لەكەناری خۆرئاوا و رۆژهەڵاتی قودسی داگیركراو 112 فەڵەستینی شههیدكراون و بریندار كراون.
لە راپۆرتەكەدا سەرنج خراوەتە سەر ئەوەی كە هێزەكانی ئیسرائیل لەو ماوەیەدا 107 فەڵەستینییان شههیدكردووه وچوار هەزار و 229 فەڵەستینی دیكەیشیان بریندار كردووە.
جوولەكە نیشتەجێكراوە توندئاژۆكانیش لەو ماوەیەدا 409 هێرشیان كردووەتە سەر فەڵەستینییەكان ولەئاكامدا پێنج فەڵەستینییان كوشتووە و 105 فەڵەستینی دیكەیشیان بریندار كردووە.
هاوكات خانووی 575 فەڵەستینی لەكەناری خۆرئاوا و رۆژهەڵاتی قودسی داگیركراو رووخێندراون.
لەراپۆرتەكەدا ئاماژە بەوە دراوە: لەئاكامی چالاكییەكانی فەڵەستینییەكانیشدا لەدژی جولەكە نیشتەجێكراوەكان لەسەرەتای ئەمساڵەوە 18 ئیسرائیلی كوژراون و 111 ئیسرائیلی دیكەیش بریندار بوون.