پیری خەڕگ خەسمه ئەلاج دڵ زۊە مەو
بەرق چەمت چۊ ئاگر خەرمان دڵ وه دەم دا
کوتێگ وه بویل بانان کوتێ ترەک دۊە مەو
تیر بژانگ چەفتت، چ ڕاس دڵ م دۊران
تیروکمان نەشارەو دەست دێرێ رۊە مەو
خوین دڵم ڕشانید ناز شەلی بژانگت
خوینبەس بکه وه لێوت ئێ قاڵە وه قۊه مەو!!
م هەر بگر وه شێتێ مه روس بکه وه زولفت
کەی بەنێ خاس و سفتتر وه ڕەسن مۊه مەو ؟
سەرم وه کار و بار وژم سڕە مەمینێ
ڕەگم وه خوین گیانم چەشتیه وه زالۊە مەو
ئەحەد شەهبازی