جابر زیادی وە ئاژانس شەفەق نیوز وت، مەزەنەیل کەشناسی دیاری هاتن واران کەن لە ئیوارەی رووژ جمعەی ئایندە و ماوەی چەن رووژیگ وەردەوام بوود، وتیش، ئی وارانە چەن شانە ئەوریگ دروسکەێد لە شوینەیل جیاواز و دویر لەیەک.
وتیش مەزەنەکریەد ئی دەرفەت واران وارینە وایگ وەگەردیابوود بوودە هووکار تەپوتووز و تا سەرەتای مانگ حوزەیران وەردەوام بوود، وەگەرد وارانەگە گرمەهڕ رویدەێد لە وەخت شەوەکی یا وەرجە ئیوارە.