ئەمڕۆ یەکشەممە، پرۆسەی دەنگدان بۆ ھەڵبژاردنی سەرکۆماری نوێ و ئەندامانی خولی ٢٨مین پەرلەمان لە تورکیا دەستی پێ کرد.
کاتژمێر ٠٨:٠٠ی ئەمڕۆ بنکەکانی دەنگدان، بەڕووی دەنگدەراندا کرانەوە پرۆسەکەیش تا کاتژمێر ١٧:٠٠ بەردەوامی دەبێت.
لە ھەڵبژاردنەکانی ئەمڕۆدا، ٦٠ ملیۆن و ٦٩٧ ھەزار و ٨٤٣ دەنگدەرکە تەمەنیان لە سەروو ١٨ ساڵەوەیە مافی دەنگدانیان ھەیە و لەو ژمارەیە چوار ملیۆن و ٩٠٤ ھەزار و ٦٧٢یان بۆ یەکەم جارە دەنگ دەدەن.
لە ھەڵبژاردنەکانی ئەمڕۆدا، زیاتر لە ١٩١ ھەزار سندوق بەسەر ھەزار و ٩٤ بنکەی دەنگدان دابەشکراون.