دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو چوارشەممە، رووشنە وەگەرد لەکە لە گشت ناوچەیل وڵاتەگە، و پلەی گەرمی لە ناوچەی ناوڕاس کەمیگ لە رووژ وەرجە خوەی بەرزترەو بوود، و لە باکوور و باشوور نزیک رووژ وەرجە خوەیە.
بەیاننامەگە وتیش: رووژ پەنجشەممە، رووشنە وەگەرد لەکە ئەور، و پلەی گەرمی لە گشت وڵاتەگە کەمیگ لە رووژ وەرجە خوەی بەرزترەو بوود.
وتیش: رووژ جمعە، لە ناوڕاس و باکوور نیمچە ئەورە وەگەرد دەرفەت نمە وارانیگ، و لە باشوور رووشنە وەگەرد لەکە ئەوریگ، و پلەی گەرمی لە گشت وڵاتەگە کەمیگ بەرزەو بوود.
بەیاننامەگە باس کەشوهەوای رووژ شەممەی ئایندە کرد، ک لە ناوچەیل ناوڕاس و باشوور رووشنە تا نیمچە ئەورە، و لە ناوچەی باکوور نیمچە ئەورە وەگەرد نمە وارانیگ، و پلەی گەرمی لە گشت وڵاتەگە کەمیگ نزمەو بوود.