لەئەنجامی تەقەكردن لەبانكێك لەشاری لویڤیڵ لەویلایەتی كێنتاكی ئەمریكا، پێنج كەس كوژران.
پۆلیسی میترۆی لویڤیڵ بڵاویكردەوە: بەیانی ئەمڕۆ پۆلیس بەرەنگاری "چەكدارێكی چالاك" لەناو بانكی ئۆڵد نەیشناڵ لەناوەندی شارەكە بوونەتەوە.
بەپێی زانیارییە سەرەتاییەكان، لەئەنجامی هێرشەكەدا پێنج كەس گیانیان لەدەستداوە وشەش كەسی دیكە برینداربوون كەیەكێكیان پۆلیسە. پۆلیس ئاشكرایكرد: هێرشبەرەكە كوژراوە.
پۆلیسی میترۆی لویڤیڵ بەمیدیا لۆكاڵییەكانی راگەیاندووە: هێشتا نازانرێت هێرشبەرەكە چۆن كوژراوە وئاماژەی بەوەكرد: لەئێستادا هیچ مەترسییەك بۆ سەر ژیانی خەڵك لەئارادا نییە. لێكۆڵینەوەكان لەبارەی هێرشە چەكدارییەكە بەردەوامن.