شەفەق نیوز/ دوو سەرچەوەی ئەمنی عراقی، ئمڕوو سێشەممە، خەوەردان لە کوشیان و زەخمداری ٤ کەس وە دوو رویداو جیاجیا لە پارێزگای واست و نەجەف.
سەرچەوەیگ ئەمنی ئەرا ئاژانس شەفەق نیوز وت: رویداویگ لە کویەیل زرباتیە لەبان سنوور وەگەرد ئیران بوی، لە ئەنجام تەقیان مینیگ وەبان گەشتیارەیلیگ عراقی لە ناوچەگە، ک بویە هوکار کوشیان کەسیگ و زەخمداری کەسیگتر، بریا نزیکترین بنکەی تەندروسی.
سەرچەوەیگتر وت: دویەم رویداو لە پارێزگای نەجەف بوی، لە ئەنجام رمیان قەواسەی ژوور ماڵیگ، ک بویە هوکار زەخمداری دوو دویەت لە خوار تەمەن چەن ساڵان، ک بریانە خەسەخانە.