دیجیتال میدیای سپێده
وەزارەتی تەندروستی عێراق رایگەیاند: هەنگاوەكانی یەكەم و سەرەكی، بۆ جێبەجێكردنی پرۆژە یاسایی گرەنتیكردن تەواوكراون.
ساڵح حەسناوی، وەزیری تەندروستی عێراق، رایگەیاند: پرۆژە یاسایی گرەنتیكردنی تەندروستیمان راگەیاندوە، هەرچەندە پرۆژەكە لە چاوەڕوانی بریاری دادگای باڵای فیدراڵییە.
حەسناوی راشیگەیاند: وەزارەت دەستیكردوە بە جێبەجێكردنی هەنگاوەكانی یەكەم و سەرەكی، بۆ جێبەجێكردنی یاسای گرەنتیكردنی تەندروستی، گرنترینیشیان پشت بەستنی دامەزراوە تەندروستییەكان، وەك ئامانجی سەرەكی بۆ سەركەوتنی گرەنتی تەندروستی.
ئاماژەی بەوەشكرد: وەرشەیەكیان پێكهێناوە، بۆ جێبەجێكردنی سیستەمی پشت بەستن ،كە یەكێكە لەو سیستەمانەی گرەنتی تەندروستی پشتی پێدەبەستێت.
جەختیشی كردەوە: پرۆژەكە بەئەلیكترۆنی دەكرێت، بەڵام كێشەكە ئەوەیە تا ئێستا لەدادگایی باڵای فیدراڵی یەكلا نەبۆتەوە بۆ ئەو كەسانەی كە تانەیان لەپرۆژەكە دراوە، وگوتی: وەزارەتی تەندروستی لەچاوەڕوانی بریاری دادگای فیدراڵییە، بۆ ئەوەی لەسەر بریارەكانی، پرۆژەكە بكەوێتە بواری جێبەجێ كردنەوە.