نەورەس خان ئەرا ئاژانس شەفەق نیوز وت: دویەتەیل عراق وە فەرمی داوای زنیکردن دروسکریاگیان خستنە وەردەس دویای لەدەسچگن مافیان لە ساڵ ٢٠١٢ تا ئیسە، و باس کرد ک وەگەرد عەبدەلئەمیر شمەری وەزیر ناوخۆ قسە کریاگە ئەرا یەکلاکردنەوەی باوەتەگە، و گلەوداینیان ئەرا سیستەم ئەمنی و گلەوداین مافیان ک یە چەن ساڵیگە خریاسە پشتگووش.
وتیش: ئەوەسا وەزیر ناوخۆ چەوی کەفێدە خانمە نوینەرەیل لە دویەتەیل عراق ئەرا رێککەفتن لەبان میکانزم زنیکردن و رێکخستنی لە نووەو.
دیاری کرد ک دویەتەیل عراق ١٦٠ خانم ئیسە ها ناوی، وتیش: شمارەیان ٣٠٠ دویەت بویە، و نیمیان واز لە کار هاوردن.
دویەتەیل عراق ریخریاگ سەربازیە لە پارێزگای دیالە دەسوەپی کرد، هەنای تەقینەوەیلگ وەلایەن ژنەیل داعش لە ٢٠٠٧ جیوەجی کریا.