تساحی لیۆر مامۆستای زانکۆی عیبری لە قودس لە توێژینەوەیگ نوویگ بڵاویکردیە، " توەنریەێد مەزەنەی رویدان زەویلەرزە بکریەێد ئەویش لە ری بن زەریاگان".
دیاریکردیە" وەرجە ئەوەگ زەویلەرزە لەبان زەوی هەس وەپی بکریەێد ، و چەن چرکەیگ لە ژیر زەریا هەس وەپی کریەێد، زویترین ری ئەرا رەسانن ئی زانیاریە وە دانشتگەیل بان زەوی، کێبڵ فایبەر ئۆپتیکە ک ئەرا گواستنەوەی کڕ ئینتەرنێت وەکارتێد".
ئاشکەرایکردیە، " کڕ فایبەر ئۆپتیک وە نزیکەیی 20 چرکە وەرجە رەسین لەرزین زەویلەرزەگە ئاگادارد کەێد، هەرچەن یە وەخت فرەیگ نییە، باوجی دەرفەت وەپید دەێد لەماڵەگەی یا باڵەخانەگەی خوەی قورتار بکەێد".
دووپاتکردیە، " ئی زەویلەرزەیلە لەی چەن رووژە رویدن خاسترین دەرفەتن ئەرا ئەوەگ ئەنجام توێژینەوەگە ئەزموون بکەیمن".