دیجیتاڵ میدیای سپێده
لە چوارچێوەی سەردانەکەیاندا بۆ وڵاتی تورکیا ڕۆژی دووشەممە ٢٠٢٣/۲/٦ بەڕێز مامۆستا صلاح الدین محمد بهاءالدین ئەمینداری گشتی یەکگرتووی ئیسلامی کوردستان بە یاوەری بەڕێزان د.صلاح الدین بابەکر کارگێڕی ئەنجومەنی جێبەجێکردن و د.لوقمان باسکەدێری بەرپرسی مەکتەبی پەیوەندیەکانی تورکیا سەردانی مەکتەبی سیاسی ئاک پارتی لە شاری ئەنقەرە کرد و لەلایەن بەڕێز (عەفیف دێمیرکران )بەرپرسی پەیوەندیەکانی ئاک پارتی پێشوازیان لێکرا.
لە میانەی دیدارەکەدا ئەمینداری گشتی سەرەخۆشی و هاوخەمی خۆیانیان دەربڕی لەپای ڕوداوی بومەلەرزەی شەوی ڕابردوو کە زیانێکی زۆری گیانی و ماددی لێکەوتووەتەوە.
لەلایەن خۆیانەوە بەرپرسی پەیوەندیەکانی ئاک پارتی سڵاوی بەڕێز ڕەجەب تەییب ئەردۆگان سەرۆکی حیزبیان گەیاندە ئەمینداری گشتی یەکگرتوو و ئاماژەی بەوەدا کە جەنابیان سەرقاڵی بەدواداچونی کارەساتی بومەلەرزەکەن.
لە بەشێکیتری کۆبونەوەکەدا پەیوەندی دوو قۆڵی نێوان هەردوولا گفتوگۆی لەسەر کرا و جەختکرایەوە لەسەر پەرەپێدان و بەرەوپێشبردنی پەیوەندیەکان.