پسپۆڕەیل ئویشن فەوتیان گەورەترین ئاژەڵ شیرخوەر لەبان زەوی کاریگەری فرەیگ لەبان دویەم دارسان واراناوی لە جەهان دیرێد.
شمارەیل نشان دەن ک فیلەیل لە گوڵەم کۆنگۆ ک کەفێدە ناو زەوی چەن دەوڵەتیگ لە ناوڕاس و خوەرئاوای ئەفریقا کەم بوینە.
شمارەیل کۆمەڵگەی مقەیتیکردن ژیان دەریایی نشان دەن ک شمارەی فیلەیل وە ئاست ٦٠ لەسەد داوەزیاگە، و لەی ناوچەی رەسیە ئەرا تەنیا ٤٠ هەزار فیل.
ڕاوکردن ئی ئاژەڵە وەتەمای عاج و قاچاخکردنی لە زاقترین هوکارەیل کەمەوبوین شمارەی فیلە.
پسپۆڕەیل ئویشن: ئەگەر هەر فیل نەما، خو دارسان واراناوی کۆنگۆ، ک دویەمە دویای ئەمازۆن لە بەرازیل، ئەوەسا نزیکەی ٩ لە سەد لە توانای مژین کاربۆن لەدەس دەێد.