کەشناسی هەرێم لە بەیاننامەیگ دیاریکرد، ئمڕوو ئاسمان ساماڵە و پلەیل گەرما بەرزترەو بوود لە توومارەیل دویکە وە نزیکەی ۱ ئەرا ۲ پلە، و خێراى وا (٥ - ١٥) کم بوود وە ئاراستەی باشوور خوەرئاوا و مەوداى دوینین لە مابەین (٩ – ١٠) کم بوود.
ئاشکەریکرد" سوو جومعە ئاسمان ساماڵە وەگەرد بڕیگ لەکە ئەور، پلەی گەرما کەمیگ بەرزتر بوود لە توومارەیل رووژ گوزەشتە، خێراى وا (٥ – ١٥) کم بوود وە ئاراستەی باشوور خوەرئاوا و مەوداى دوینین لە مابەین (٩ – ١٠) کم بوود".