پەیامنێر ئاژانس شەفەق نیوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٦١٤٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
شەوەکی ئمڕوو، نرخ ١٠٠ دۆلار ئەمریکی رەسیە ١٦٠٥٠٠ دینار عراقی.
پەیامنێر ئاژانسمان وتیش: نرخ دۆلار ئەمریکی وەرانەوەر دینار عراقی لە دوکانەیل ناوخوەیی بەغداد بەرزەو بوی، ک نرخ فرووشتن ١٠٠ دۆلار ئەمریکی رەسیە ١٦٢٠٠٠ دینار عراقی، و نرخ سەنینی رەسیە ١٦٠٠٠٠ دینار عراقی.
لە هەولێر پایتەخت هەرێم کوردستان، نرخ دۆلار ئەمریکی وەگەرد بەسیان بۆرسە هەمیش بەرزەو بوی، ک نرخ فرووشتن ١٠٠ دۆلار ئەمریکی رەسیە ١٦٢٠٠٠ هەزار دینار عراقی، و نرخ سەنینی رەسیە ١٦١٩٤٠ دینار عراقی.